Oso ondo prestatutako pertsonak erakarri, eutsi eta inplikatu nahi ditugu. Izan ere, pertsonak eta euren talentua ekonomia berriko abantaila lehiakor nagusia dira.

Nor garen

bizkaia:xede irabazi-asmorik gabeko elkartegintzako ekimena da, Bizkaiko Foru Aldundiko Ekonomia Sustapen Sailak bultzatu du eta Bizkaian finkatutako zenbait enpresa eta unibertsitate nabariren laguntzaz garatu da.

Xedea

Oso ondo prestatutako pertsonei eusteko, erakartzeko eta inplikatzeko baldintzak eta prozesuak sustatzea eta Bizkaiko erakundeetako berrikuntza eta jakintza aurreraturako arloak bultzatzea.

Xedea lortzeko jarduerak:

-Talentuen aldeko ekosistema bultzatzea.
-Bizkaia lan-arloko marka-helmuga moduan sustatzea lurralde historikorako arlo estrategikoetako profesional, sortzaile eta ikertzaileen artean.
-Oso ondo prestatutako pertsonak Bizkaiko erakunde eta proiektuetan identifikatzeko, inplikatzeko eta sartzeko zerbitzuak eta programak ematea.
-Elkartearen estrategiaren arabera, praktikarako sare sozialak eta erkidegoak sortzea eta garatzea.
-Elkartearen xedearekin zerikusia duten azterketak egitea eta sustatzea.
-Gure erakundearen xedearekin lotutako ekimenetan, beste erakunde publiko eta pribatu batzuekin koordinatzea eta solaskide arina izatea.
-Politika publikoko gomendioak egitea eta bizkaia:xede-ren xedearekin zerikusia duten politiken diseinuan parte hartzea.

Ikuspegia

bizkaia:xede-k euskal liderra eta Europako erreferentzia-eredua izan nahi du zientziaren, teknologiaren eta enpresen arloan oso ondo prestatuta dauden pertsonak kudeatzeko prozesuan.