Oso ondo prestatutako pertsonak erakarri, eutsi eta inplikatu nahi ditugu. Izan ere, pertsonak eta euren talentua ekonomia berriko abantaila lehiakor nagusia dira.

Bitartekaritza

Zer da Bitartekaritza Zerbitzua?

Euskadiko edo atzerriko pertsona prestatu-prestatuak aurkitzen ditu, jakintza sustatzeko asmoz. Horretarako, CVak lagatzen ditu, orientazioa eta aholkularitza ematen dizkie inguruko erakundeei eta erakundeek oso ondo prestatutako langileen arloan dituzten premiak estaltzen ahalegintzen da.

Zergatik kontratatu oso ondo prestatuta dauden langileak?

Gaur egun, erakundeetan dibertsifikazio eta bereizkuntzaren maila handia izan behar denez, oso ondo prestatuta dauden langileak erakarri behar dira, jarduera emankorra eta negozio-lerro berriak garatzeko.

Non bilatu langile horiek?

Ohiko erakarpen-lekuetan...? Beste aukerarik ote dago?

2.0 erakarpena: Xing, Linkedin... Tresna horiek abantaila handiak eskaintzen dituzte; esate baterako, oso ezaguna, erabiltzaile asko, berehalako harremanak... Hala ere, desabantailarik ere badute: erakarpen-arduradunaren prestakuntza, dibertsifikatzeko zailtasunak, erabiltzaile gehiegi eta tresnaren noizbehinkako erabilera.

Giza baliabideetako kontsultoretzak: alternatiba honek badu abantailarik, ez dugulako kudeatzen. Denbora eta/edo ahalegina aurrezten da, baina oso garestia da.

bizkaia:xede-k Bitartekaritza Zerbitzua eskaintzen dizu:

Oso ondo prestatutako pertsonen profilak aurkitzen saiatzen gara, eta, aurkitutakoan, inolako kosturik gabe eskaintzen dizkizugu.

Zein dira gure ezaugarri bereizgarriak?

1. Oso ondo prestatuta dauden pertsonen aurkikuntzan gaude espezializatuta.

2. Lan-merkatuaren prospekzioak egiten ditugu ikerlanen bidez:

- Giza baliabideak. EAEko Zientzia, Teknologia eta Berrikuntzan: Eskaria eta Mugikortasuna.
- EAEko pertsona prestatuen emigrazio zientifiko eta teknologikoaren arrazoiak.
- Oso ondo prestatutako giza baliabideen migrazioa eta inplikazioa.
- Deustuko Unibertsitatean eta EHUn titulatutako bizkaitarren emigrazioa.

3. Tokian tokiko, nazioko eta nazioarteko azoketan parte hartzen dugu:

- Deustuko Enplegu Foroa, Prestik, Vuela¡, MIT eta ESOF.

4. Topaketa profesionalak egiten ditugu geure mugetatik kanpo.

5. Sare sozial profesionaletan gaude sartuta.

6. Beste agentzia batzuekin lan egiten dugu.

7. EURAXESS Sareko, hau da, Europako Ikertzaileen Mugikortasunerako Atariko kideak gara. Oso ondo prestatutako 15.000tik gora profil ditugu eskura. EURAXESS Jobs. Tresna horretan, Europako lan-eskaintzak, laguntzak eta bekak... daude ikusgai.

Ekintza guztien bidez, OSO ONDO PRESTATUTAKO PERTSONEN DATU-BASEA ESKAINTZEN DIZUGU.

Bazkideak